Қазақстанын қазіргі заман тарихы

ҚҰРМЕТТІ ТЫҢДАУШЫЛАР!

Ұсынылып отырған оқу құралы бүгінгі күннің өзекті мәселелерінің бірі «Қазақстанның қазіргі заман тарихы» пәніне арналған. Бұл пән жаңа енгізілген пән, сондықтан оқу құралының оқытушылар үшін де, студенттер ушін де өзектілігі сөзсіз. Пән Қазақстан тарихының ХХ ғасырдың басынан бүгінгі кұнге дейінгі уақытты қамтиды, осы ғасырдағы даму барысында қиындықтары мен қайшылықтары, қуанышы мен қасіретін білу және үйрету өте маңызды. Ол жастарды азаматтық патриоттық сезімге тәрбиелейді. Тарих қазіргі заманның мәселелерін терең түсінуге, болашақты болжай білуіне ықпал ететіні белгілі.

Халықтың қасіретін жанмен ұққан,
Бұл жырды мен жырламай кім жырлайды.
Мезгілсіз, мерекесіз өткендердің,
Жандары бізді де айт деп сыбырлайды,-

деп Иса Байзақов ағамыз айтқандай, тарихта жандары “бізді де айт деп сыбырлайтын жандар көп, әлі талай тұлғалардың есімдері қайта жыңғыратыны сөзсіз... Оларды қайта жаңғырту - улкендерге міндет, жастарға аманат!!!

Ұсынылып отырған оқу құралы жастардың сана сезімінің кеңеюіне, жастарды рухани тәрбиелеуге ықпал етеді деп ойлаймын. Оқулық типтік бағдарлама негізінде, оқулыққы қойылатын барлық талаптарға сай құрастырылған.

Пәннің мақсаты:

Қазақстан тарихының ХХ ғасырдағы ірі маңызды оқиғаларына талдау жасау және олардың бүгінгі күнге ықпалын анықтау.

Пәннің міндеті:

Қазақстан тарихының ХХ ғасырдағы ұлы тұлғалардың ролін және олардың әлемдік мәдениет пен ғылымға қосқан үлесін көрсету.

Қазақстан тарихының ХХ ғасырдағы дамуының негізгі кезеңдерін анықтау.

Қазақстандағы тарихи процесстердің әртүрлі тарихи кезеңдердегі негізгі қозғаушы күштерін анықтау.

Пән бойынша білімі: «Қазақстанның қазіргі заман тарихы» пәнін оқып білу тыңдаушылар мен студенттерге қазіргі даму кезеңінде болып жатқан қоғамдық-саяси процессерді жақсы түсінуге және қолданыстағы заңнаманы бағдарлай алуына мүмкіндік береді.

Олай болса, сіздерге де біздерге де Сәттілік тілеймін ...

Жумақаева Бақыт Даулетханқызы

Бизнес - тренер

Алматы Менеджмент Университеті аясындағы «Медиация және конфликтология» орталығының директоры

Оқытушы - мастер

Білімі:

Мамандығы бойынша политолог. 2004 ж. Мәскеу қаласында «Саяси модернизация тарихы» тақырыбы бойынша диссертация қорғаған. Онымен қоса ол Болгария және Испанияның халықаралық оқу орындарында білім алған. «Феномен политического поведения: теория и практика» атты монографияның «Қазақстан тарихы», «Қазақстанның қазіргі заман тарихы», «Конфликтология» және т.б. салалардағы оқулықтардың авторы.

Жұмыс істеу тәжрибесі:

халықаралық деңгейдегі кәсіби тренер-медиатор. Дауларды тиімді шешу орталығының (CEDR) мамандарынан «Медиатордың басты қабілеттері», «Медиация қабілеттерін корпоративті дауларды шешуде қолдану: жоғарғы курс» тақырыптары бойынша тәлім алған.

Мекемелік, жанұялық және коорпаративтік дау-жанжалдарды шешу барысында медиация жүргізу тәжірибесі бар. Кәсіби медиаторлардың жалпы деңгейден тренер деңгейіне дейін даярлаумен айналысады.

Біліктілігі:

Бақыт Жумақаева мына салаларда жұмыс атқарады:

- бизнес-тренер «Медиатордың басты қабілеттері» курсы бойынша
- «Медиация қабілеттерін корпоративті дауларды шешуде қолдану: жоғарғы деңгейдегі» курсы бойынша
- бизнес-тренер «Лидер - Көшбасшы» курсы бойынша
- бизнес-тренер «Келіссөздер жүйесі» курсы бойынша
- бизнес тренер «Шешендік өнер» курсы бойынша